Բլեֆարոպլաստիկա

Բլեֆարոպլաստիկա (կոպերի պլաստիկ վիրահատություն), առաջացել է դեռևս առաջին դարում, երբ Ավլոս Կոռնելիոս Կելսոսը (հռոմեացի բժիշկ, փիլիսոփա) իր «Բժշկություն (De Medicina)» գրքում նկարագրել է կոպերի լարվածությունը թուլացնելու նպատակով կտրվածք կատարելու տեխնիկան։

Իսկ 1818 թվականին առաջ է քաշվել բլեֆարոպլաստիկա տերմինը, երբ այդ տեխնիկան օգտագործվում էր քաղցկեղով ախտահարված կոպերի ձևախախտումներն ուղղելու համար։

Այսօր բլեֆարոպլաստիկան վիրահատական միջամտություն է, որի ժամանակ հեռացվում են ճարպի ավելցուկները, վերին և ստորին կոպերի ավելորդ մաշկը և մկանային հյուսվածքները։

Ինչպե՞ս է իրականացվում բլեֆարոպլաստիկան

Բլեֆարոպլաստիկայի ժամանակ կտրվածքներն արվում են կոպերի բնական ծալքերի մեջ կամ կոպից ներս։ Վիրաբույժը հեռացնում է ճարպակույտն ու ավելորդ մաշկը և կտրվածքը փակում շատ բարակ կարով։

Բլեֆարոպլաստիկայի տեսակները

Տարբերակում են վերին և ստորին բլեֆարոպլաստիկա։

Վերին բլեֆարոպլաստիկա՝

Վիրաբույժը կատարում է կտրվածքներ վերին կոպի բնական ծալքի մակարդակով և ստորին կոպի թարթիչներից փոքր ինչ նահանջելով ստորին կոպի պարագայում։ Կտրվածքները կատարվում են տրադիցիոն նշտարով, կան լազերով։ Վիրաբույժը հեռացնում է ավելորդ մաշկը և ճարպը ցանկալի արդյունքի հասնելու նպատակով։

Ստորին բլեֆարոպլաստիկա՝

Կտրվածքը կատարվում է թարթիչների եզրագծով կամ կոպի ներսային մակերեսից։ Այս երկրորդ տեսակի կտրվածքը անվանվում է տրանսկոնյունկտիվալ։ Սա ավելի ժամանակակից մեթոդ է և չի թողնում ոչ մի տեսանելի սպի։ թարթիչների տակից։ Այս գործողությունը կիրառվում է, եթե ավելցուկային մաշկը բացակայում է կամ աննշան է։

Ու՞մ համար է բլեֆարոպլաստիկան

Եթե ունեք ներքոհիշյալ վիճակներից որևէ մեկը կամ մի քանիսը, ապա հանդիսանում եք այս միջամտության հավակնորդ՝

• աչքերի տակ առկա պարկեր և մուգ շրջանակներ
• մաշկի ավելցուկ, որը ծածկում է վերին կոպի բնական ծալքը
• ստորին կոպերի ավելորդ մաշկ և մանր կնճիռներ
• վերին կոպից կախված մաշկ, որը խանգարում է տեսողությանը
• վերին կոպերի փքունություն, որն աչքերին հոգնածության տեսք է հաղորդում

Բլեֆարոպլաստիկայի ռիսկերը

• ժամանակավոր այտուցներ
• աչքերի շուրջ փոքրիկ սպիտակ բշտիկներ
• ժամանակավոր աղոտ տեսողություն
• կրկնակի պատկերում
• աչքերի ժամանակավոր անհամաչափություն

Հետվիրահատական շրջան

Վերականգնման ժամկետը տատանվում է մեկից չորս շաբաթ: Այս ընթացքում դուք կարող եք զգալ որոշակի այտուց և կապտուկ, բայց շատ քիչ անհանգստություն: Ուռուցքը նվազագույնի հասցնելու համար խորհուրդ ենք տալիս օգտագործել սառը կոմպրեսներ և գլուխը բարձր պահել: Սովորաբար կարերը հանվում են մեկ շաբաթվա ընթացքում, իսկ դրանից հետո կարելի է դիմահարդարվել: